Kreativ denken

Kreativitéit fänkt beim kreativen Denken un !

Kreativitéit ass d’Grondviraussëtzung fir all innovativ a GENIAL Iddi.

Kreativ an innovativ sinn heescht virun allem NEI Iddie fannen a se dono mat Erfolleg ausschaffen an ëmsetzen. Mee keng Panik: kreativ denke kann ee léieren, trainéieren a verbesseren!

Übung macht den Meister ! E puer einfach Tricken hëllefen der dobäi:

Géi mat oppenen Aen duerch d’Liewen!

Probéier deng alldeeglech Gewunnechten a Fro ze stellen a ganz normal Saachen aus dengem Alldag aus engem anere Bléckwénkel ze betruechten.

Übung: Fir ze léieren, dain Alldaag aus engem anere Bléckwénkel ze betruechten, huel eng normal Forschette. Kuck der se genee un an iwwerlee der wat ee soss nach domat maache kann ausser iessen.

”Daat geet net”- gëtt et net!

"Onméiglech! Ze schwéier ! Vill ze deier !" Matt esou Aussoen hunn nei Iddien net vill Chance!

Fir nei Léisungen ze fannen, probéier däi Problem mol anescht unzegoen : denk einfach un de Contraire! Esou gees de däi Problem aus engem anere Bléckwénkel un afënns villäicht eng nei Léisung! Sätz wéi "NEE, well... " ginn esou mat mat "JO, well…" ersat!

Übung: Stell der en Déier vir, virun deems de Angscht hues! Schreif 5 positiv Gedanken op, déi der zu deem Déier afalen !

Verbann verschidden Iddie mateneen

Wann een „Loft“ seet, denks du automatesch un „Wollek“ . Dat ass eng „Associatioun“: verschidden Iddien a Saache gi matenee verbonnen. Esou kanns de eenzel Saachen mat villen aneren Iddie verbannen.

Übung: Huel der 3 Minutten Zäit a schreif all déi Wieder op déi der zu „Gartenzwerg“ afalen. Maach dat selwecht mam Wuert „Insel“ a probéier duebel esou vill Wieder ze fannen.

Iwwerlee der Alternativen

Deng éischt Iddi ass net onbedengt déi GENIALsten! Iwwerlee e bësse méi wäit, fann Alternativen, aner Léisungen a Méiglechkeeten.

Übung: Iwwerlee der 10 witzeg Gebuertsdaags-Iwwerraschungen fir däi beschte Kolleg !

Denk a Biller : benotz deng Phantasie!

Eise Kapp ass voll mat Erënnerungen an Erfahrungen! Denk mol un deng lescht Vakanz: wéi huet d’Landschaft ausgesinn? Wéi huet de Sand sech ugefillt? Wéi huet d’Mier gericht? Looss denger Phantasie fräie Laf!

Dat klappt mat all Iddi: probéier ëmmer der e Bild vun enger Iddi ze man – nëmmen esou kann aus enger Iddi Realitéit ginn.

Übung: Stell der vir du gees bei de Bäcker! Wéi gesäit et do aus? Wéi richt et? Wat héiers de? 

Besich eis op Facebook !